Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

782 da enmüent diu weinenden kint,
       da enist ze heiz noch ze kalt,
       da enwirt von jâren nieman alt,
       der alte wirt junger;
       dâ enist vrost noch hunger,
787 da enist deheiner slahte leit,
       da ist ganziu vreude âne arbeit.
       ze dem wil ich mich ziehen
       und selhen bû vliehen
       den der schûr und der hagel sleht
792 und der wâc abe tweht,
       mit dem man ringet und ie ranc.
       swaz man daz jâr alsô lanc
       dar ûf garbeiten mac,
       daz verliuset schiere ein halber tac.
797 den bû den wil ich lâzen,
       er sî von mir verwâzen.
       ir minnet mich, deist billich.
       nû sihe ich gerne daz mich
       iuwer minne iht unminne.
802 ob ir iuch rehter sinne
[ zurück ]